స్మృత్యాంజలి

వినువీధినదివ్వెలను వెలిగించెడివాడి నెవ్వడెరుగు

నడివీధిన మిణుగురుల మిణుకులనేరి

వెలుతురులద్ది అవ్విజయగర్వంబునేలిన

వల్లభుండు మీరు ఆచార్యా మీస్మృతి నిమరువజాలము 

దోమా కుట్టాకే నన్ను

దోమా కుట్టాకే నన్ను
మా డాక్టరయ్య సూదిమందేస్తడు
జర్రంత సుర్రుమనించిండు
మా అయ్య ఆస్తులన్ని కాజేసిండు

దోమా కుట్టాకే నన్ను
మా దొరబాబు గుస్స జేస్తడు
పదారువేల పధకాలు పెట్టిండంట
పనులన్నీ వాటంతట అవే అయితయంట

దోమా కుట్టాకే నన్ను
ఇల్లు మొత్తం సాఫ్ జేస్తా
మా అయ్య జాగీర్లు కదా రోడ్లన్నీ గలీజ్ జేస్తా
నా పని మాత్రం నేను జెయ్య పక్కొడి మీద పడి ఎడుస్తా

దోమా కుట్టాకే నన్ను
ఏం జేషినా సిగ్గైతె మాకు రాదు
ఇజ్జత్ గసొంటివి తెల్లోల్లు తోల్కబొయిండ్రు
మమ్మల్ని కుడితే నువ్వు కూడా మా లాగైతవ్ కుట్టే ముందు జర సోంచాయించుకో

మొట్టికాయ్!

varnanaateetam.blogspot.com
మొట్టికాయ్
__
సరుగుడు అరుగుల నడుమన
విరివిగ తిరుగుడు సరసమనుచు ఖర గురువుగ
హితవులు బలికిన గణముల
నధముడు గుణముల అణకుడు మరియొక మోటిగిడి

For poetry enthusiasts:
ఇది అన్నీ ' నల ' గణాల తో కూర్చబడిన కందం.
ఆధముడు, అణకుడు, మోటిగిడి అన్నీ పర్యాయపదాలే

మరకత ధవళ మీమాంస

మరకత ధవళ మీమాంస!
పదేళ్లప్పుడు మొదలయ్యిందేమో పరుగు...
ఏడన్నారు పదన్నారు
పదిహేడేళ్లనగానే సర్కారీ కొలువన్నారు
చాకలిపద్దులు వల్ల కాలేదు చదువనుకున్నాను
చదివాడనిపించుకున్నాను పంకాలు కాదు పుంఖాలు కాదు
శీతల గదుల్లో దివిటీల వెలుగనుకున్నాను
వెలుతురే తప్ప చీకటే లేదనుకున్నాను
పరుగు కాస్తా ఎగురయ్యిందా తెలీనేలేదు
ఇరవై ఎప్పుడు రెండింతలు అయ్యిందో
రెక్కల్లో బలం సడలుతుందో రెప్పల్లో కునుకు రాకుందో
దారిన పడ్డానా దారి తప్పానా
కనిపించేది సేదతీరే తీరమేనా
మానవ ప్రలోభాలనూరించే మరో ఎండమావా

లోకం పోకళ్శు

వివరము జెప్పెడి వారులు
వందల్వేలును గాదు కోకొల్లల్కాగ
అర్ధమ్మే వ్యర్ధమ్మైనదాని
వలువలు విడిచిన విలువలు దేనికి శుంఠా!

Sarvam midhya ra

సర్వంబు దెలియు మనుజులకెల్లా
సర్వంబు ఒడ్డుదురు సరియైన జోడి వెదుకుచు
సర్వంబు నర్పింతురు సరసపు సల్లాపుములమధ్య
సర్వంబు పోయెనని బావురుమందురు సెలయేటి పొంగు తగ్గగనే
సర్వంబు దెలిసిన వాడా సర్వంబు సర్వంబు కానీ యచట
సర్వంబు మాయరా అర్భకుడా అబ్బిగాడా 

దర్పపు దర్పణం [Reflection of pride]

'యువ'రాజు వెడలె రవితేజములలరగ
పూలపాంపుదెచ్చి రహదారుల పరిచెనట
ప్రక్కవీధి చూడు మురుగునీటి సంద్రమట
చిత్రపటాల ఘనచరితుల సిగలో కొత్త 'కలికి'తురాయి